برآمدات میں 0.8 فیصد کی کمی، تجارتی خسارہ 15.71 بلین بڑھا

پیٹرولیم، چمڑے اور سمندری مصنوعات جیسے شعبوں میں کمی کی وجہ سے دسمبر 2020 میں ملک کی برآمدات 0.8 فیصد کم ہوکر 26.89 بلین امریکی ڈالر رہیں۔ اسی دوران تجارتی خسارہ بڑھ کر 15.71 بلین امریکی ڈالر ہوگیا۔

نئی دہلی: پٹرولیم، چمڑے اور سمندری مصنوعات جیسے شعبوں میں کمی کی وجہ سے دسمبر 2020 میں ملک کی برآمدات 0.8 فیصد کم ہوکر 26.89 بلین امریکی ڈالر رہ گئیں۔ یہ معلومات سرکاری اعداد و شمار سے ملی ہیں۔

اسی دوران درآمدات 7.6 فیصد اضافے سے 42.3 بلین امریکی ڈالر ہوگئیں، جس کی وجہ سے دسمبر میں تجارتی خسارہ 15.71 بلین امریکی ڈالر ہوگیا۔

گذشتہ برس دسمبر 2019 میں برآمدات 27.11 بلین امریکی، جبکہ درآمدات 39.5 بلین امریکی ڈالر تھیں۔ اسی طرح نومبر 2020 میں برآمدات میں 8.74 فیصد کمی واقع ہوئی تھی۔

رواں مالی برس اپریل سے دسمبر کے دوران ملک کی برآمدات میں 15.8 فیصد کمی کے ساتھ 200.55 بلین ڈالر رہی، جبکہ مالی برس 2019۔2020 میں اسی مدت کے دوران ملک کی برآمدات 238.27 بلین ڈالر تھی۔'

رواں مالی سال کے نو مہینوں کے دوران درآمدات 29.08 فیصد کم ہوکر 258.29 بلین امریکی ڈالر رہیں جو اپریل تا دسمبر 2019-20ء میں 364.18 بلین امریکی ڈالر تھیں۔