کورونا کے پھیلاؤ پر قابو پانے کے لیے نافذ کیے گئے لاک ڈاؤن کے دوران مہاجر مزدوروں کے تعلق سے کیے جارہے دعوے بھلے ہی حساس اور سنجیدہ ہوں، لیکن حکومت کی جانب سے کیے جا رہے تمام دعوے زمینی سطح پر کچھ الگ کی داستان بیان کرتے ہیں۔ مزدورں کے مطابق نہ ان کے پاس کام ہے اور نہ ہی دو وقت کی روٹی کے لیے کوئی مستقل انتظام ہے۔
راجستھان میں جب سے لاک ڈاؤن کا اعلان کیا گیا ہے تبھی سے مسلسل غیر مقیم مزدور نقل مکانی کر رہے ہیں۔ جو چند مزدور یہاں پر رکے ہیں وہ بھی جلد نقل مکانی کرنے کی تیاری میں ہیں۔ ان بلڈرس کے یہاں یہ مزدور کام کیا کرتے تھے، ان کی تمام تر کوششوں کے باوجود مزدوروں نقل مکانی کرنے پر بضد نظر آرہے ہیں۔ بلڈرس کی جانب سے کہا جاتا ہے مزدوروں کو کسی قسم کی کوئی بھی تکلیف نہیں ہو گی، لیکن پھر بھی غیر مقیم مزدور ان کی بات پر یقین کرنے کو تیار نہیں ہیں اور نقل مکانی کرنے پر مجبور ہیں۔ جئے پور: کیوں نقل مکانی کرنے پر مجبور ہیں مہاجر مزدور؟ میڈیا رپورٹس کے مطابق حکومت کی جانب سے بڑی بڑی باتیں کی جارہی ہے لیکن ان باتوں کا زمینی سطح پر کچھ اثر نہیں دکھائی دے رہا ہے۔ مزدوروں کو دو وقت کی روٹی کے لیے مشکلات کا سامنا ہے۔ وہیں، ایسے لاچار و بے بس مزدورں پر پولیس کی جانب سے بھی کارروائی ایک اہم وجہ بتائی جارہی ہے۔
