دہلی سے متصل گریٹر نوئیڈا میں آٹو ایکسپو کے 15 ویں ایڈیشن کا آغاز 5 فروری سے ہو گیا ہے۔ دنیا بھر سے کار ساز کمپنیاں نئی سے نئی آٹو ٹکنالوجی اور خوبصورت کاریں لے کر آئی ہیں۔ گاڑیوں کی اس نمائش میں ریلائنس جیو نے ' کنکٹیڈ وہیکل ایکو سسٹم ' پیش کیا ہے۔ 4 جی کنکٹی وٹی کی بنیاد پر اس ایکو سسسٹم میں ڈیوائسز اور پلیٹ فارم کے ساتھ ڈیٹا انالیٹکس ٹیکنالوجی کا بھی استعمال کیا گیا ہے۔
آٹو ایکسپو کے 15 ویں ایڈیشن کا آغاز آپ کی ڈرائیونگ اچھی ہے یا خراب، یہ اب 'کنکٹیڈ کار' آپ کو بتائے گی۔ ڈیشکیم ڈیٹا کا تجزیہ کر کے، ڈرائیور کو کار ڈرائیو کرنے میں مدد بھی کرے گی۔ ساتھ ہی جیو ٹیکنالوجی سے کنکٹیڈ کار سڑک پر آنے والے خطرات سے بھی ڈرائیور کو آگاہ کرے گی تاکہ قیمتی زندگیاں بچائی جا سکیں۔ جیو نے اس ٹیکنالوجی کو'ایڈوانس ڈرائیور اسسٹنٹ سسٹم' کا نام دیا ہے۔
آٹو ایکسپو کے 15 ویں ایڈیشن کا آغاز ریلائنس جیو نے 'آن بورڈ ڈائیگانوسٹک کار کنکٹ' نام کا ایک ڈیوائس بھی آٹو ایکسپو میں پیش کیا ہے۔ یہ کار کے آن بورڈ پورٹ میں آسانی سے فٹ ہو جاتا ہے۔ سم سے لیس یہ ڈیوائس کار کو وائی فائی زون میں تبدیل کردے گا، جس سے 8 موبائل یا دیگر ڈیوائس کنکٹ کئے جا سکتے ہیں۔ اس کے علاوہ 'کار ملٹی پل سینسر' کو بھی اس ڈیوائس سے کنکٹ کیا جا سکتا ہے۔ تو اب آپ کار کی ہر ایک حرکت، اس کی نگہداشت اور رکھ رکھاؤ کے بارے میں انفارمیشن کو اپنے موبائل پر دیکھ سکیں گے۔ کار میں کتنا ایندھن بچا ہوا ہے یا پھر گاڑی کا کوئی دروازہ تو نہیں کھلا اس کی بھی معلومات آپ کی کنکٹیڈ کار آپ تک پہنچا دے گی۔ کار کو اب ٹریک کرنا بھی آسان ہو جائے گا۔ وائی فائی کنکٹی وٹی کے ساتھ انفوٹینمنٹ تو ملے گا ہی۔
کیسی ہوگی کنکٹیڈ گاڑیوں کی دنیا ریلائنس جیو کی یہ ٹیکنالوجی جیو کے 4 -جی وولٹي ٹیکنالوجی پر چلے گی۔ ٹرائی کے مطابق جیو کے 4 -جی ٹیکنالوجی کی کوریج ملک میں سب سے زیادہ ہے۔ گاڑی مالکان کے علاوہ اس کا فائدہ کرایہ کی کاروں کا بڑا کاروبار چلانے والے تاجروں کو بھی ہوگا، جنہیں گاڑی کی ٹریکنگ کے علاوہ اس کی رفتار اور مسافت کا بھی خیال رکھنا پڑتا ہے۔
آٹو ایکسپو کے 15 ویں ایڈیشن کا آغاز
