آسٹریلیا نے منگل کو کہا کہ اسکاٹ موریسن حکومت بھارت کے ساتھ تعاون کو بڑھانے کے لیے 28 کروڑ ڈالر سے زیادہ کی سرمایہ کاری کرنے جا رہی ہے Australia to invest over $280 mn in India۔ اس کا مقصد دونوں ممالک کے اقتصادی تعاون کو مضبوط بنانا، تجارت کو تیز کرنا اور روزگار میں اضافہ کرنا شامل ہے۔
آسٹریلیا کے وزیر تجارت، سیاحت اور سرمایہ کاری ڈین تیہان نے کہا کہ اس سرمایہ کاری کا مقصد دو طرفہ اقتصادی تعاون کو مضبوط بنانا، دو طرفہ تجارتی تعلقات کو آگے بڑھانا اور سرمایہ کاری کو بہتر بنانا ہے۔
مسٹر تیہان نے کہا کہ "بھارت اور آسٹریلیا مشترکہ اقدار، تکمیلی معیشتوں کا اشتراک کرتے ہیں۔ ساتھ ہی، دونوں جگہوں کے لوگوں کے درمیان تعلقات بھی مضبوط ہیں، جو ہمیں مثالی شراکت دار بناتے ہیں۔'
انہوں نے کہا کہ "بھارت کے ساتھ ہماری شراکت داری انتہائی اہم ہے کیونکہ ہم دونوں مضبوط، پائیدار اقتصادی ترقی اور زیادہ محفوظ اور متنوع تجارت نیز سرمایہ کاری و فراہمی کے لیے مسلسل کوششیں کررہے ہیں۔"
سرکاری ریلیز کے مطابق، سنہ 2020 میں بھارت آسٹریلیا کا ساتواں سب سے بڑا تجارتی شرکت دار تھا، جس کے درمیان درآمد اور برآمدی تجارت 24.3 ارب ڈالررہی۔ اس کے ساتھ ہی آسٹریلیا بھارت کا چھٹا سب سے بڑا سامان اورخدمات ایکسپورٹ 169 ارب ڈالر تھا۔ سنہ 2020 میں بھارت خدمات کی برآمدات کے لیے آسٹریلیا کا تیسرا سب سے بڑا بازار تھا۔
مسٹر تیہان نے کہا کہ "حکومت بھارت کی اقتصادی حکمت عملی اور اس کے بڑے اہداف کے لیے پرعزم ہے۔ ہمارا مقصد سنہ 2035 تک بھارت کو ہمارے تین اعلی برآمدی منڈیوں میں شامل کرنا اور ایشیا میں ایسا تیسرا سب سے بڑامقام بنانا ہے، جہاں آسٹریلیا کے علاوہ بھی دوسرے ممالک کی سرمایہ کاری شامل ہو۔'
وزیر اعظم نریندر مودی اور آسٹریلیا کے وزیر اعظم مسٹر موریسن نے پیر کے روز بھارت-آسٹریلیا کے درمیان دوسری ورچوئل چوٹی کانفرنس کا انعقادکیا۔ دونوں ممالک کے درمیان کثیر جہتی تعلقات کا جائزہ لیا گیا اور علاقائی اور عالمی پیش رفت پر تبادلہ خیال کیا گیا۔
مزید پڑھیں:
یو این آئی
