ہوائی سفر ہو سکتا ہے مہنگا

طیارہ ایندھن کی قیمت میں اضافہ کی وجہ سے یہ ہوائی سفر مہنگا ہونے کی امید ظاہر کی جارہی ہے۔

نئے سال میں ریل کرایہ میں اضافہ کرنے کےبعد ہوائی سفر میں بھی اضافہ ہونے کا خدشہ ہے کیونکہ طیارے کے ایندھن کی قیمتوں میں ڈھائی فیصد سے زیادہ اضافے کے ساتھ سات مہینے کی سب سے اعلی سطح پر پہنچ گیا ہے۔

ملک کی سب سے بڑی تیل کمپنی انڈین آئل کارپوریشن کے مطابق دہلی میں طیارے ایندھن کی قیمت آج سے 1637.25 روپے یعنی 2.61 فیصد اضافہ کے ساتھ 64323.76 روپے فی کلولیٹر پر پہنچ گئی۔ یہ جون 2019 کےبعد کی سب سے اونچی سطح پر ہے۔ اس سے پہلے دسمبر میں اس کی قیمت 62686.51 روپے فی کلولیٹر تھی۔

تیل کمپنیاں ماہانہ بنیاد پر طیارے ایندھن کی قیمت کا جائزہ لیتی ہیں اور ہر مہینے کی ایک تاریخ سے نئی قیمتوں کا نفاذ ہوتا ہے۔

کولکاتا میں طیارے ایندھن آج سے 1776 روپے یعنی 2.58 فیصد مہنگا ہوکر 70588.61 روپے فی کلولیٹر پر پہنچ گیا۔ ممبئی میں جنوری مہینے کے لئے اس کی مالیت 64529.79 روپے طے کئی گئی ہے اور اس طرح اس میں 2.73 فیصد کااضافہ ہوگیا ہے۔ چنئی میں 2.80 فیصد کی قیمت کے اضافہ کے ساتھ ایک کلولیٹر طیارہ ایندھن 65619.95 روپے کا ہوگیا ہے۔