پروازوں کی تعداد 500 سے تجاوز

گھریلو مسافر پروازیں دوبارہ شروع ہونے کے بعد جمعہ کو پہلی بار ان کی تعداد 500 سے تجاوز کرگئی۔

شہری ہوابازی کے وزیر ہردیپ سنگھ پوری نے سنیچر کو بتایا کہ ملک کے مختلف ہوائی اڈوں سے کل 513 پروازیں روانہ ہوئیں۔ ان میں 39969 مسافر سوار تھے۔ دو مہینے کے وقفے کے بعد گزشتہ 25 مئی کو مسافر پروازیں دوبارہ شروع ہونے کے بعد یہ تعداد سب سے زیادہ ہے۔

واضح رہے کہ 28 مئی کو مغربی بنگال میں بھی طیارہ خدمات شروع ہونے کے بعد اب پورے ملک میں مسافر طیارے چلنے شروع ہوگئئے ہیں۔ مرکزی حکومت نے معمول سے ایک تہائی پروازیں ہی چلانے کی اجازت دی ہے لیکن ممبئی اور چنئی جیسے شہروں اور آندھرا پردیش اور مغربی بنگال جیسی ریاستوں میں ریاستی حکومت نے اس تعداد میں مزید کمی کی ہے۔