'یہ بجٹ ایک جملہ ہے'

'یہ بجٹ غریبوں اور کسانوں کے لیے نہیں بلکہ سرمایہ کاروں کے لیے ہے جس سے عوام کو مایوسی حاصل ہوئی ہے'

ہریانہ کانگریس کے نائب صدر چودھری آفتاب احمد نے ای ٹی وی بھارت سے بات کرتے ہوئے کہا کہ اس عام بجٹ میں کچھ بھی نیا نہیں ہے، پرانے جملوں کو نئے انداز سے پیش کیا گیا ہے۔

غریب، مزدور، کسان اور نوجوانوں کو اس بجٹ سے مایوسی ہاتھ لگی ہے ملک میں بے روزگاری اپنے شباب پر ہے، روزگار کے لئے کوئی مواقع نہیں ہیں اور اس سلسلے میں اطمنان بخش بجٹ نہیں پیش کیا گیا۔

انہوں نے کہا کہ یہ عام بجٹ نہیں بلکہ بی جے پی کا مینو فیسٹو لگتا ہے۔ جتنے ٹیکس ہمارے جمہوری ملک میں لگا دئے گئے ہیں اتنے کسی بادشاہی نظام میں بھی نہیں ہوتے۔

انہوں نے کہا کہ یہ بجٹ غریبوں اور کسانوں کے لیے نہیں بلکہ سرمایہ کاروں کے لیے ہے جس سے عوام کو مایوسی حاصل ہوئی ہے۔