'تاجروں کی مفاد والا بجٹ'

عام بجٹ 2019 پیش کرتے ہوئے وزیرخزانہ سیتارمن نے متعدد اعلانات کئے ہیں، جن پر متعدد سیاسی جماعتوں کی جانب سے سخت تنقید کی جا رہی ہے۔

ریاست مدھیہ پردیش کے صوبائی وزیر خزانہ ترون بھنوت نے عام بجٹ پر سخت رد عمل کا اظہار کیا ہے۔

انہوں نے کہا کہ یہ تاجروں کو خوش کرنے والا بجٹ ہے، بلکہ یہ بجٹ نہیں یہ بہی کھاتا ہے۔

ترون نے کہا کہ گذشتہ پانچ برس مودی حکومت نے کچھ بھی نہیں کیا ہے ، اب اس حکومت نے اپنا چھٹا بجٹ پیش کیا ہے۔

اس بجٹ میں بھی پیٹرول اور ڈیزل کے قیمتوں میں اضافے کی بات کی جا رہی ہے، جب پیٹرول اور ڈیزل کی قیمتوں میں اضافہ ہوگا تو مہنگائی میں بھی اضافے کے امکانات ہیں۔

انہوں نے مزید کہا کہ حکومت کی معاشی حالت خراب ہو رہی ہے اور ریزرب بینک سے پیسہ مانگا جا رہا ہے، اس بجٹ میں روزگار کی کوئی بات نہیں کہی گئی ہے۔