نوجوان کا گولی مار کر قتل

شمالی 24 پرگنہ کے جگتدل تھانہ کے بھاٹ پاڑہ علاقے میں ایک نوجوان کی خون میں لت پت لاش برآمد کی گئی ہے جس کے بعد پورے علاقے میں سنسنی پھیل گئی۔

بھاٹ پاڑہ علاقے میں آج صبح ایک نوجوان کی خون سے لت پت لاش پائی گئی۔ اطلاع موصول ہوتے ہی پولیس جائے واقعہ پر پہنچ کر تفتیش شروع کر دی۔


پولیس نے ابتدائی تفتیش کے بعد لاش کو پوسٹ مارٹم کے لئے اسپتال بھیج دیا۔ نوجوان کی شناخت راجو چودھری کے طور پر ہوئی ہے۔

پولیس کا کہنا ہے کہ ابتدائی تفتیش کےدوران جائے واقعہ سے نوجوان کی لاش برآمد کی گئی ہے اور اس کے پاس ایک پستول برآمد کی گئی ہے۔

پولیس نے مزید کہا کہ نوجوان کے سر پرگولی ماری گئی ہے۔ پورےمعاملے کی تفتیش جاری ہے۔ خودکشی اور قتل دونوں زاویہ سے تفتیش کی جا رہی ہے۔ اب تک کوئی سراغ نہیں ملا ہے۔


مقتول کے گھر والوں کا کہنا ہے کہ پولیس کو قاتل کے بارے میں سب کچھ بتایا گیا ہے۔ اس کے باوجود اب تک کسی کی گرفتاری عمل میں نہیں آئی ہے۔