مغربی ریلوے نے مالش خدمات واپس لیں

مغربی ریلوے نے اندور سے چلنے والی ٹرینوں کے مسافروں کو سر، گردن اور پاؤں کی مالش کی خدمات کی تجویز واپس لے لی ہے۔

ایک سرکاری بیان میں یہاں کہا گیا ہے کہ اندور سے چلنے والی ٹرینوں میں سر ، پاؤں کی مالش خدمات شروع کرنے کی تجویز مغربی ریلوے کے رتلام ڈویژن نے شروع کی تھی۔ لیکن مغربی ریلوے کے اعلی حکام کے نوٹس میں جب یہ بات آئی تو انہوں نے اسے واپس لینے کا حکم دیا ہے۔

بیان کے مطابق، مغربی ریلوے عوامی نمائندوں، ریلوے صارفین اور عوام کی مثبت تجاویز کی ستائش کرتی ہے۔ اس طرح کی پیشکش وقتاً فوقتاً عمل میں بھی لائی جاتی رہی ہیں۔

بیان میں کہا گیا ہےکہ ’’مغربی ریلوے آرام دہ اور محفوظ خدمات فراہم کرانے سے متعلق عہد کی پابند ہے اور آنے والے وقت میں بہتر خدمات فراہم کرائی جائے گی‘‘۔