ریاستی حکومت کے خلاف مظاہرہ

ریاستی بی جے پی مغربی بنگال حکومت کو کٹ منی کیس میں گھیر نے کی کوشش میں ہے ۔ ہاجرہ موڑ پر بی جے پی کے کارکنان نے مظاہرہ کر تے ہو ئے سڑک کو جام کردیا۔

بی جے پی کے کارکنان نے ہاجرہ میں ریاستی حکومت کے خلاف مظاہرہ کر تے ہوئے کٹ منی واپس کرنے کا مطالبہ کیا۔بی جے پی کی جانب سے ناکہ بندی سے گاڑیوں کی آمد رفت ٹھپ پڑ گئی۔

بی جے پی کے رہنما سانتن بوس کاکہنا ہے کہ ریاست کے حالات بہت خراب ہو گیے ہیں۔ چاروں طرف افراتفری کا ماحول ہے۔ ترنمول کانگریس کی سربراہ ممتابنر جی کے اپنے ہی رہنماؤں کے کٹ منی لینے کی بات کوتسلیم کرنے سے ثابت ہو گیا ہےکہ ریاست ترقی کی دوڑ میں بہت پیچھے چلے گئی ہے۔

انہوں نے کہاکہ کٹ منی واپسی کرنے سے کچھ نہیں ہو گا۔ لوگوں کے دلوں سے حکمراں جماعت اتر چکی ہے۔ ترنمول کانگریس کے رکن اسمبلی، کونسلرز اور کارکنان سب کے سب رشوت خوری میں ملوث ہیں۔

بی جے پی کی سرگرم رہنما اور سابق آ ئی پی ایس بھارتی گھوش نے کہاکہ ممتا بنر جی کی حکومت سے تمام کٹ منی واپس لی جا ئے گی۔ ترنمول کانگریس کی حکومت ہی کٹ منی سے چلتی ہے۔