ایئرپورٹ پر انڈیگو ایئرلائنز کی ملازمہ پر حملہ

حیدرآباد کے شمس آباد ایرپورٹ میں ایک ایرلائنز کی ملازمہ پر نشہ میں دھت تین نوجوانوں نے حملہ کردیا۔ حملہ میں لڑکی معمولی زخمی ہوگئی۔

یہ واقعہ جمعرات کی شب پیش آیا تاہم یہ معاملہ تاخیر سے منظرعام پرآیا۔
ایئر پورٹ پولیس نے بتایاکہ شمس آباد کی رہنے والی 23 سالہ لڑکی جو انڈیگو ایئرلائنز کی ملازمہ ہے پر 13 جون کی نصف شب حملہ کیا گیا۔
ڈیوٹی کے بعد کیب کے ذریعہ جارہی لڑکی کا لمس ہاسپٹل کے قریب نشہ کی حالت میں دھت 3 نوجوانوں نے جو بائیک پر سوار تھے تعاقب کیا اور بعد میں لڑکی پر شراب اور بوتلیں پھینکی۔
لڑکی نے خطرہ کو محسوس کرتے ہوئے چیخ وپکار شروع کردیا جس کے بعد تینوں نوجوانوں وہاں سے فرار ہوگئے۔
لڑکی نے اس سلسلہ میں پولیس سے شکایت کی جس پر پولیس نے ایک معاملہ درج کرکے شرابی نوجوانوں کی تلاش شروع کردی۔