'ایران کو جوہری ہتھیار حاصل نہیں کرنے دیں گے'

صہیونی وزیراعظم نتن یاہو نے کہا کہ میں ایک تقریب میں شرکت کے لیے راستے میں تھا کہ اسی دوران اطلاع ملی کہ ایران اپنا جوہری پروگرام شروع کرنے کا ارادہ رکھتا ہے جو تشوش کا باعث ہے اور اسے کبھی پورا ہونے نہیں دیا جائے گا۔

صہیونی وزیراعظم بنجامن نتن یاہو نے دعویٰ کیا ہے کہ وہ ایران کو جوہری ہتھیار حاصل نہیں کرنے دیں گے۔

ایران نے دھکمی دی ہے کہ اگر تجارتی استثنیٰ میں امریکہ نے توسیع نہیں دی تو وہ سنہ 2015 کے جوہری معاہدے کی تمام شرائط کو ختم کرکے یورینیم کی آفزودگی شروع کردے گا۔

اطلاع کے مطابق تل ابیب میں منعقدہ ایک تقریب میں اسرائیلی وزیراعظم بنجامن نتن یاہو نے کہا کہ 'آج جب میں تقریب میں شرکت کے لیے راستے میں تھا تو مجھے خبر ملی کہ ایران، اپنا جوہری پروگرام شروع کرنے کا ارادہ رکھتا ہے'۔

دوسری جانب روس نے کہا ہے کہ امریکی دباؤ کے باعث ایران کو جوہری معاہدے سے دستبردار کرنے پر مجبور کیا گیا۔

کریملن کے ترجمان ڈیمرٹرے پیسکوف نے صحافیوں کو کہا کہ 'صدر ولادی میرپوتن نے متعدد بار ایران کے لیے بغیر سوچے سمجھے اقدام کے نتیجے میں سامنے آنے والے نتائج کی نشاندہی کی اور اب نتائج بتدریج منظر عام پر آنا شروع ہو گئے'۔

اس ضمن میں چین نے بھی امریکہ پر الزام لگایا کہ واشنگٹن کی جانب سے ایران کے ساتھ جوہری معاہدہ ختم کرنے کی وجہ سے سیاسی بحران پیدا ہوا۔