زبردست بارش کا اثر: دیوار گرنے سے تین زخمی

ممبئی میں مانسون کی آمد اور محکمہ موسمیات کی لاپرواہی کے سبب بارش میں کئی جانی و مالی نقصانات ہوتے ہیں۔ کہیں درخت تو کہیں دیوار گرنے جیسے واقعات اکثر پیش آتے ہیں۔

ممبئی میں موسلادھار بارش کی وجہ سے دادر علاقے میں مینا تائی مارکیٹ کے پاس ایک دیوار گری جس میں تین افراد زخمی ہوگئے۔

زخمیوں کو ممبئی کے 'کے ای ایم' ہسپتال میں داخل کیا گیا ہے۔

محکمہ موسیمات کے مطابق مہاراشٹر میں مانسون نے 25جون کو دستک دے دی تھی۔

نصف شب سے جاری موسلادھار بارش اور تیز ہواﺅں کے ساتھ ہونے والی بارش سے سب سے زیادہ مضافاتی علاقے ولے پارلے، جوہو، ملنڈ ، اندھیری کے ساتھ ساتھ دور افتادہ مضافاتی علاقے تھانے ، ٹٹوالا،نالاسوپارہ ، وسئی ۔ ویرار اور ویسٹرن ایکسپریس ہائی وے متاثر ہوئے ہیں۔