احتجاجیوں نے الزام عائد کرتے ہوئے کہا کہ انہیں پچھلے تین برسوں سے انتہائی غلیظ پانی سپلائی کیا جا رہا ہے جس کی وجہ سے وہ ندی کا پانی پینے پر مجبور ہیں۔
انکا کہنا تھا کہ ندی نالے کا پانی بھی پینے کے لائق نہیں ہے۔
ای ٹی وی بھارت کے ساتھ بات کرتے ہوئے احتجاجیوں کا کہنا تھا کہ ’’اس ترقی یافتہ دور میں بھی ہم لوگ پینے کے صاف پانی جیسی بنیادی سہولت سے محروم ہیں۔‘‘
ایک اسکیم کے تحت علاقے میں پانی کی پائپیں بچھائی گئی ہیں تاہم وہ پائپیں بھی جگہ جگہ خراب ہو چکی ہیں اور انکا پانی لائق استعمال نہیں ہے۔
احتجاجیوں نے انتظامیہ سے اس معاملے میں مداخلت کی اپیل کرتے ہوئے کہا کہ انکے علاقے کو صاف پانی مہیا کیا جائے۔
