'سوجھ بوجھ کے ساتھ ووٹنگ کریں'

کانگریس صدر راہل گاندھی نے عام انتخابات کے تیسرے مرحلے کے لیے جاری پولنگ کے تعلق سے باشندگان ملک سے اپیل کی ہے۔ انہوں نے کہا کہ ملک کا مستقبل نوجوانوں کے ہاتھوں میں ہے اور نوجوان رائے دہندگان سمجھداری سے ووٹنگ کریں۔

راہل گاندھی نے اپنے ٹویٹ میں کہا پورے ملک میں لاکھوں نوجوان اپنے رائے دیہی کے حق استعمال کر رہے ہیں۔ ان میں بہت سے پہلی بار ووٹ دے رہے ہیں۔ ملک کا مستقبل ان کے ہی ہاتھوں میں ہے۔ مجھے یقین ہے کہ وہ ہر بھارتی کے لیےانصاف چاہتے ہیں اور ہوشیاری وسمجھداری سےووٹ کریں گے۔

انہوں نے ملک کے نوجوانوں کے عزائم پر مبنی ایک مختصر فلم بھی اپنے ٹوئٹر ہینڈل پر شیئر کیا ہے۔

واضح رہے کہ لوک سبھا انتخابات کے تیسرے مرحلہ کے لیے پندرہ ریاستوں اور مرکز کے زیر انتظام علاقوں کی 116 نشستوں کے ساتھ ہی اڑیسہ اسمبلی کی 42 نشستوں کے لیے پولنگ ہو رہی ہے۔