دنیا بھر میں ہربرس پناہ گزینوں کا عالمی دن 20 جون کو منایا جاتا ہے۔
اس دن کو منانے کا مقصد عوام کی توجہ ان لاکھوں پناہ گزینوں کی طرف دلوانا ہے کہ جو جنگ، نقص امن یا مختلف وجوہات کی وجہ سے اپنا گھر بار چھوڑ کر دوسرے ملکوں میں پناہ گزینی کی زندگی گزارنے پر مجبور ہیں۔
یہ تعداد 20 برس پہلے کے مقابلے میں دگنی ہے۔ 25.9 ملین پناہ گزینوں میں سے تقریبا 20 فیصد فلسطینی تھے جوکہ اقوام متحدہ کے ریلیف اور ورکس ایجنسی کی دیھ ریکھ میں تھے۔
پناہ گزینوں کو پناہ دینے والے ممالک میں ترکی سرِفہرست ہے جہاں ان کی تعداد 37 لاکھ ہے جبکہ پاکستان دوسرے نمبر ہے جہاں اس وقت پناہ گزینوں کی تعداد 14 لاکھ ہے۔ یوگینڈا میں 12 لاکھ، سوڈان میں 11 لاکھ جبکہ جرمنی میں بھی 11 لاکھ افراد نے پناہ لے رکھی ہے۔
سنہ 2018 میں ایتھوپیا ان ممالک میں اول نمبر پر رہا، جہاں لاکھوں افراد بے گھر کر دیے گئے۔
اقوام متحدہ کی رپورٹ کے مطابق دنیا بھر میں 37 ہزار افراد روزانہ اپنے گھروں کو چھوڑنے پر مجبور ہیں۔
