سرینگر میں دو ہاؤس بوٹ جل کرراکھ

جموں کشمیر کے دارالحکومت سرینگر میں واقع نگین جھیل میں اتوار ارو پیر کی درمیانی شب کو دو ہاؤس بوٹ خاکستر ہوئے۔

سرکاری ذرائع نے بتایا کہ نگین جھیل میں اتوار اور پیر کی درمیانی شب کو ایک ہاؤس بوٹ سے آگ نمودار ہوئی اور آگ کے شعلوں نے ایک اور ہاؤس بوٹ کو اپنی لپیٹ میں لیا۔

انہوں نے بتایا کہ آگ لگنے کے فوراً بعد فائر اینڈ ایمرجنسی کی ایک ٹیم، پولیس اور مقامی لوگ آگ پر قابو پانے کے لئے جائے موقع پر پہنچے لیکن دو ہاؤس بوٹوں، 'ہاؤس بوٹ نیو پرفیوم گارڈن اور ہاؤس بوٹ فونکس' کو راکھ کے ڈھیر میں تبدیل ہونے سے نہیں بچا سکے۔

انہوں نے بتایا کہ واقعہ کے وقت ایک ہاؤس بوٹ میں ایک سیاح بھی تھا تاہم اس کو کوئی گزند نہیں پہنچی۔