ترنمول کا نگریس نے الیکشن کمیشن کو ویڈیو سونپی

مغر بی بنگال کی حکمراں جماعت کے چاراراکین پارلیمان نے امت شاہ کے روڈ شو کے دوران بی جے پی کے کارکنان کی مبینہ غنڈہ گردی سے متعلق ویڈیو الیکشن کمیشن کوسونپ دی۔

مغربی بنگال کی دارالحکومت کولکاتا میں بھارتیہ جنتا پارٹی اور ترنمول کانگریس کے درمیان تشدد کی واردات پر سیاسی جنگ تیز ہو گئی ہے۔دونوں پارٹیوں کی جانب سے ایک دوسر ے کے خلاف الزام تراشی کاسلسلہ جاری ہے۔

ترنمول کانگریس کے چار ارکان پارلیمنٹ (راجیہ سبھا ) نے آج الیکشن کمیشن پہنچ کر ویڈیو ثبوت پیش کیا جس میں یہ دعوی کیا گیا ہے کہ تشدد کی شروعات بھارتی جنتا پارٹی کے غنڈوں کی طرف سے ہوئی تھی۔
ترنمول رہنما ڈریک او برائن نے الیکشن کمیشن کے باہر اخبار نویسوں سے بات کرتے ہوئے کہا کہ امت شاہ جھوٹے ہیں۔ اس کے غنڈوں نے تشدد شروع کی تھی۔

ایک سوال کے جواب میں انہوں نے کہا کہ تشدد کے لئے ذمہ دار بی جے پی ہے ہے، میں یہ پوچھنا چاہتا ہوں کہ تری پورہ میں 170 پولنگ اسٹیشنوں میں دوبارہ پولنگ کیوں ہوئی جبکہ بنگال میں صرف 6 میں ری پولنگ ہوئی ہے۔ دھاندلی کہا ں ہورہی ہے؟