ڈیوٹی کے اوقات میں سونے والے پولیس افسران معطل

ریاست مدھیہ پردیش کے صنعتی شہر اندور میں گزشتہ شب ڈیوٹی کے وقت سونے اور غیر حاضر رہنے والے تین پولیس افسران کو معطل کردیا گیا۔

اندور کے ایس پی محمد یوسف قریشی نے گزشتہ شب کئی پولیس اسٹیشن کا اچانک دورہ کیا۔

انھوں نے ' شہر میں پولیس افسران کی مستعدی اور ان کے الرٹ کا وہ جائزہ لینا چاہتے تھے۔

محمد یوسف قریشی نے کہا کہ گزشتہ شب اندور کے متعدد پولیس اسٹیشن کا انھوں نے ہنگامی دورہ کیا، شہر کے وجئے نگر پولیس اسٹیشن کے سب انسپکٹر ڈیوٹی کے وقت سورہے تھے۔ اور سنیوگیتا گنج پولیس اسٹیشن کے ہیڈ کانسٹیبل اسٹیشن میں ہی چڈی بنیان پہنے سورہے تھے۔

جبکہ آزاد نگر پولیس اسٹیشن کے کانسٹیبل رات ڈیوٹی کے وقت غیر حاضر رہے جس کے سبب ان تینوں پولیس افسران کو معطل کردیا گیا۔