سڑک حادثے میں تین افراد ہلاک

تینوں افراد کولکاتا آنے کے دوران حادثے کا شکار ہو گئے.

مغربی بنگال کے ہوڑہ ضلع کے باگنان کے پانچ نمبر قومی شاہراہ پر سڑک حادثے میں تین افراد کی موت ہو گئی.

تینوں افراد کولکاتا آنے کے دوران حادثے کے شکار ہو گئے.

مغربی بنگال کے ہوڑہ ضلع کے باگنان تھانے کے تحت پانچ نمبر قومی شاہراہ پر بے قابو لاری نے دو موٹر سائیکل کو ٹکر مار دی.

دو موٹرسائیکل پر سوار تینوں افراد موقع پر ہی ہلاک ہو گئے. حادثے کے بعد چند گھنٹوں تک آمدرفت متاثر رہی.

پولیس نے جائے وقوع پر پہنچ کر تفتیش شروع کردی .لاری کے ڈرائیور کو گرفتار کر لیا گیا ہے.

پولیس کا کہنا ہے کہ مرنے والے افراد کی شناخت نہیں ہو سکی ہے. اس کی کوشش کی جارہی ہے.

پولیس نے مزید کہا کہ تینوں افراد موٹر سائیکل کے ذریعہ کولہ گھاٹ سے کولکاتا کی طرف آنے کے دوران حادثے کا شکار ہو گئے ہیں.

اس حادثے کے بعد قومی شاہراہ پر گاڑیوں کی آمدرفت پوری طرح سے ٹھپ پڑ گئی.

پولیس نے حالات کو قابو میں کرنے کے بعد ٹریفک سروس بحال کرائی.