یہ اعظم خان کا آخری انتخاب ہے: جیا پردا

ممتاز اداکارہ و رام پور پارلیمانی حلقے سے بی جے پی کی امیدوار جیا پردا نے دعوی کیا ہے کہ یہ اعظم خان کا آخری انتخاب ہوگا۔ انہوں نے صاف لفظوں میں کہا کہ اعظم خان سے ان کو کوئی خوف نہیں ہے لیکن جن الفاظ کا استعمال اعظم خان نے ان کے لیے کیا ہے، وہ یہ بتاتا ہے کہ آج کے معاشرے میں خواتین کے تئیں ان کا نظریہ کیا ہے۔

بارہ بنکی میں نامہ نگاروں سے خصوسی گفتگو کرتے ہوئے جیا پردا نے کہا کہ اعظم خان نے جس طرح کی زبان کا استعمال ان کے لئے کیا ہے، اس سے صرف وہ ہی نہیں بلکہ تمام خواتین ان سے ناراض ہیں۔

جیا پردا نے کہا کہ عوام اس ناراضگی کا انتقام اعظم خان سے لے رہی ہے اور 23 مئی کو یہ سامنے آ جائے گا۔ انہوں نے دعوی کیا کہ عوام ان سے ایسا بدلا لے گی کہ یہ ان کا آخری انتخاب ثابت ہوگا۔