ٹیکسی حادثہ میں چھ افراد ہلاک متعدد زخمی

مہاراشٹر کے ضلع بھنڈارا کے ساکولی کے قریب ایک ٹیکسی پل سے80 فٹ نیچے ندی میں گر گئی جس میں چھ افراد ہلاک جب کہ دیگر سات زخمی ہوگئے۔

اطلاعات کے مطابق ٹیکسی ندی کے اوپر پل سے تیز رفتار سے جارہی تھی کہ اچانک ٹیکسی کا ٹائر پھٹ گیا ٹیکسی بے قابو ہوکر پل کی ریلنگ توڑتے ہوئے پل سے 80 فٹ نیچے ندی میں گرگئی۔

اطلاعات کے مطابق ٹیکسی میں 13 مسافر سوار تھے جن میں 6 کی موت ہوگئی، جب کہ تین خواتین شدید زخمی ہوئیں ہیں۔ جنہیں بھنڈرا کے ایک نجی ہسپتال میں داخل کیا گیا ہے۔

پولیس نے لاش کو پوسٹ مارٹم کے لیے بھیج دیا ہے مزید تحقیقات جاری ہے۔