تلنگانہ کے لیے کووڈ کے زائد ٹیکے فراہم کرنے کو بھارت بائیوٹیک ترجیح دے

تلنگانہ کے چیف سکریٹری سومیش کمار نے بھارت بائیوٹیک کے صدر نشین و منیجنگ ڈائریکٹر کرشناایلا سے درخواست کی ہے کہ وہ ریاست کے لیے کووڈ کے مزید ٹیکے سپلائی کرے۔

وزیراعلی کے چندرشیکھر راو کی ہدایت پر چیف سکریٹری نے منگل کو کرشنا ایلا سے بی آر کے آر بھون میں ملاقات کی۔ اس ملاقات کے دوران سومیش کمار نے کہا کہ وزیراعلی نے ریاست کی مکمل آبادی کو کووڈ۔19 کے ٹیکے مفت فراہم کرنے کا فیصلہ کیا ہے۔

چیف سکریٹری نے کرشنا ایلا سے خواہش کی کہ وہ زیادہ سے زیادہ ٹیکے تلنگانہ کو فراہم کرے اور ریاست کے عوام کو کو ویکسن دینے کے لیے تلنگانہ کو ترجیح دے۔ بھارت بائیوٹیک کے سی ایم ڈی نے ریاست کو زیادہ سے زیادہ ٹیکے فراہم کرنے پر مثبت ردعمل کا اظہار کیا۔