تمسا ندی کو شفاف کیا جارہا ہے

اترپردیش کے مئو ضلع سے گزرنے والی تمسا ندی کو غلاظت اور آلودگی سے پاک کرنے کے لیے ایک پائلٹ پروجیکٹ شروع کیا گیا ہے۔

مئو میں تقریباً 39 کلومیٹر کی طویل تمسا ندی اب شاید آلودگی سے پاک ہوجائے۔
حکومت اترپردیش کے اس اقدام سے اب یہ ممکن ہوتا نظر آرہا ہے۔

1500 سے زائد ملازمین اور پانچ سو مقامی افراد صفائی کے کام میں جٹ گئے ہیں۔ ندی کے اندر کی غلاظت صاف اور شفاف کرنے کا کام جنگی خطوط پر جاری ہے۔تمساندی کی صفائی کا کام ہر روز صبح شروع ہوجاتا ہے۔ اس دوران سب سے پہلے پانی میں موجود فنگس اور جل کمبھی نامی پودھے کو باہر نکالا جاتا ہے۔ جو کہ ندی میں آلودگی کی ایک بڑی وجہ ہے۔ 9 جون سے شروع ہوا یہ کام 19 جون تک جاری رہے گا۔