سپریم کورٹ سے راجیو کمار کو جھٹکا

سپریم کورٹ نے کولکاتا کے سابق پولیس کمشنر کی گرفتاری سے بچنے کے لیے سات دنوں کی مہلت میں توسیع کرنے کی عرضی خارج کردی ہے۔

کولکاتا کے سابق پولیس کمشنرراجیو کمار نے عدالت عظمیٰ میں اپنے اوپر گرفتاری کی لٹکتی تلوار سے بچنے کے لیے سات دنوں کی مہلت میں مزید توسیع کرنے سے متعلق عرضی دائر کی تھی، جسے سپریم کورٹ نے خارج کردی ہے۔
اس سے قبل راجیو کمار کے وکیل نے جسٹس اندرا بنرجی اور جسٹس سنجیو کھنہ کی بنچ کو بتایا تھا کہ ریاست میں وکلا کی ہڑتال چل رہی ہے۔ اس لیے ان کے موکل کو سات دن کی مزید مہلت دی جائے۔
واضح رہے کہ عدالت عظمیٰ نے گزشتہ ہفتہ شارداچٹ فنڈ بدعنوانی معاملے میں راجیو کمار کی گرفتاری پر عائد عبوری پابندی کو ختم کردی تھی ۔انہیں اپنے دفاع میں قانونی عمل کا سہارا لینے کے لیے سات دنوں کی مہلت دی ہے۔