دارالحکومت بغداد کے مشرقی علاقے میں واقع ایک جمیلہ مارکیٹ میں عوام کی بھیڑمیں خودکش بم دھماکے میں 11 افراد ہلاک اور 15 دیگر زخمی ہوگئے ہیں۔
پولیس حکام کے مطابق جمیلہ مارکیٹ میں ہوئے خودکش حملہ کی ذمہ داری ابھی تک کسی نے قبول نہیں کی۔
خیال رہے کہ رواں برس 12 اپریل کو عراق کی انسداد دہشت گردی فورسز نے شمالی حصے ہمرین میں داعش کے ٹھکانوں کو تباہ کرنے کا دعویٰ کیا تھا۔
فوجی ترجمان جنرل یحیٰ رسول نے بتایا تھا کہ وزیراعظم کے خصوصی احکامات کے مطابق انسداد دہشت گرد ادارے نے ہمرین کے پہاڑوں میں موجود داعش کے باقی ماندہ دہشت گردوں پر حملہ کیا تھا۔
واضح رہے کہ 30 اگست کو بھی مغربی عراق کے صوبے انبار میں القائم کے علاقے میں کار بم دھماکے میں 11 افراد ہلاک ہوئے تھے، جس میں داعش نے 50 افراد کو ہلاک کرنے کا دعویٰ کیا تھا۔