راجستھان یونیورسٹی احتجاج کا مرکز بن گئی

یونیورسٹی جس کا نام سنتے ہی ہمارے ذہن میں تعلیم سے متعلق سرگرمیوں کا تصور ذہن میں آتا ہے۔  لیکن ریاست راجستھان کے دارالحکومت جے پور میں واقع ریاست کی سب سے بڑی راجستھان یونیورسٹی ان دنوں احتجاج کا مرکز بنی ہوئی ہے۔

یہاں پر ہر روز کسی نہ کسی معاملے کو لے کر کالج کی طلبا یونین کی جانب سے احتجاج کیا جارہا ہے۔ وہی گزشتہ کچھ روز سے یونیورسٹی میں خدمات انجام دینے والے اراکین کی جانب سے بھی دھرنا دیا جا رہا ہے۔

این ایس یو آئی یونین کی جانب سے جمعرات کو یہاں پر احتجاج کیا جا رہا تھا تو وہی اے بی وی پی کی جانب سے بھی یونیورسٹی میں اپنی خدمات انجام دینے والے اراکین کی مانگ ماننے کو لے کر کالج کاگیٹ بند کردیا گیا۔ وہی یونیورسٹی کے اراکین بھی گزشتہ کچھ روز سے یونیورسٹی میں ہی دھرنا دے کر بیٹھے ہوئے ہیں.

یہاں یہ سب دیکھ کر یہ نہیں کہا جاسکتا کہ یہ کوئی تعلیم حاصل کرنے کا ادارہ ہے بلکہ اسے دیکھ کر یہی کہا جا سکتا ہے کی یہ احتجاج کی ایک جگہ بن چکی ہے۔