سری لنکا میں مسلم خواتین کے برقع پہننے پر پابندی

سری لنکن حکومت نے حالیہ دہشت گردانہ حملوں میں اپنی سکیورٹی فورسز کی ناکامی پس پشت ڈال کر مسلمان خواتین کے برقع پہننے پر پابندی لگانے کا پروگرام بنالیا۔

سری لنکن حکومت کے ذرائع کا کہنا ہے کہ حکام مسلم کمیونٹی کے رہنمائوں سے مشاورت کرکے برقع پر پابندی عائد کرنے پر غور کررہی ہے جبکہ ابھی اس معاملے پر صدر ممیتھریپالا کے ساتھ بات چیت ہورہی ہے-

رپورٹ کے مطابق ذرائع کا کہنا ہے کہ حالیہ دہشت گردانہ حملے میں ملوث متعدد خواتین برقع کا فائدہ اٹھا کر فرار ہوگئیں دریں اثناء حکمران یونائیٹڈ نیشنل پارٹی کے رکن پارلیمنٹ نے بھی ایوان میں برقع پر پابندی کیلئے ایک قرارداد پیش کی ہے انہوں نے کہا کہ برقع پر پابندی ملک کی بین الاقوامی سکیورٹی ضروریات کو بنیاد بنا کر عائد کی جائے گی۔