سوناواری کا نالہ گندگی کے ڈھیر میں تبدیل

جموں کشمیر کے سوناواری علاقے میں واقع قدیم نالہ جسے ایک زمانے میں پینے کے پانی کے لیے استعمال کیا جاتا تھا اب گندگی اور غلاظت کے ڈھیر میں تبدیل ہوچکا ہے-

نالے سے گزرتا پانی کا رنگ گندگی سے پھیکا پڑ گیا ہے اور اسے بیماریاں بھی پھوٹ پڑنے کا خطرہ لاحق ہے، مقامی لوگوں کا کہنا ہے کہ نالے کے دونوں اطراف رہنے والے افراد گھروں سے نکلنے والی گندگی اور کوڑا کرکٹ اسی میں پھینک دیتے ہیں-

مقامی لوگوں نے ای ٹی وی سے بات کرتے ہوئے بتایا کہ ایک وقت اس نالے کا پانی روز مرہ کے کاموں کے لئے استعمال کرتے تھے کیونکہ اس کا پانی صاف و شفاف تھا لیکن آج اس کی حالت بہت خراب ہے اور اب یہ پانی ہاتھ پیر دھونے کے بھی قابل نہیں - مقامی عوام نے متعلقہ حکام سے اس کی صفائی کے لئے اقدامات کرنے کا مطالبہ کیا۔