نابالغ بیٹی کے ساتھ ریپ

ملک بھر میں کمسن لڑکیوں کے ساتھ ریپ کے واقعات میں کمی کے بجائے دن بہ دن اضافہ ہی ہوتا جارہا ہے تاہم سائبر سٹی گروگرام میں انسانیت کو شرمسار کرنے والا واقعہ پیش آیا ہے۔ ایک باپ نے ہی نابالغ بیٹی کے ساتھ ریپ کیا۔

ایک والد نے اپنی 13 برس کی نابالغ بیٹی کا ریپ کیا ہے۔ اس دوران معصوم کو بچانے کے لیے ماں آئی تو ماں پر بھی ملزم باپ نے حملہ کرکے فرار ہوگیا ۔

پولیس نے متاثرہ بچی کی ماں کی شکایت پر ملزم کے خلاف پوسکو ایکٹ کے تحت معاملہ درج کیا ہے ۔

گروگرام پولیس کے مطابق ڈی ایل ایف فیز تین تھانہ میں ایک 30 سالہ خاتون نے اپنے ہی شوہر کے خلاف شکایت درج کرائی ہے۔ جس میں خاتون نے بتایا کہ 25 تاریخ کو وہ اپنے گھر کی چھت پر کھڑی تھی ۔ اس دوران اچانک بیٹی کی چیخ سنائی دی۔ خاتون کمرے کے پاس پہنچی تو دروازہ بند تھا اور اس کی بیٹی چیخ رہی تھی۔ خاتون نے دروازہ کھولنے کی کوشش کی، لیکن دروازہ اندر سے بند تھا ۔
دروازہ توڑ کر کمرے میں داخل ہونے کے بعد شوہر کی کرتوت دیکھ کر خاتون حیران رہ گئی۔

خاتون نے معصوم کو بچانے کی کوشش کی، لیکن ملزم باپ نے خاتون کے سر پر حملہ کرکے فرار ہوگیا ۔ فی الحال پولیس متاثرہ لڑکی کی ماں کی شکایت پر مقدمہ درج کرکے ملزم کی تلاش شروع کردی ہے۔