پنجاب میں کورونا کی دوسری لہر خطرناک

پنجاب میں گذشتہ ایک دن میں کورونا کے قہر سے 173 مریضوں کی موت ہو گئی ہے اور 7500 سے زائد نئے پوزیٹیو کیسز سامنے آئے ہیں-

محکمہ صحت کی جانب سے گذشتہ دیر شام جاری بلیٹن کے مطابق ریاست میں کل تک اس مہلک وبا سے ہلاک ہونے والوں کی تعداد بڑھ کر 9645 تک پہنچ گئی۔ آٹھ ہزار سے زیادہ مریض آکسیجن سپورٹ پر ہیں اور سنگین مریض 231 ہو گئے ہیں۔ جب کہ فعال مریض 61935 ہیں۔

ریاست میں کورونا پر قابو پانے کے لیے حکومت مسلسل سخت اقدامات کر رہی ہے لیکن حال ہی میں کورونا پھیلنے سے حالات خراب ہوئے ہیں اور مانگ کے حساب سے آکسیجن کی سپلائی نہ ہونے کی وجہ سے حالات پر قابو پانا مشکل ہو رہا ہے۔

اب تک 74 لاکھ 43 ہزار سے زیادہ مشتبہ کے سیمپل لیے جا چکے ہیں اور سوا تین لاکھ افراد کورونا کو شکست دے کر گھر چلے گئے۔ اب تک ریاست میں پوزیٹیو مریض چار لاکھ کے اعداد و شمار کو عبور کر گئے ہیں۔