رشوت لیتے ہوئے ایس ڈی او گرفتار

پٹنہ سے آئی ہوئی ویجیلنس ٹیم نے گیا میں ایک ایس ڈی او کو گرفتار کیا ہے جس پر الزام ہے کہ اس نے زمین تنازع کو حل کرنے کے لیے پانچ لاکھ رشوت کا مطالبہ کیا تھا۔

بہار کے شہر گیا میں ویجیلنس ٹیم کے صدر نے ایس ڈی او سورج کمار سنہا کو جے ڈی یو رہنما سارم علی سے دو لاکھ روپے رشوت لیتے ہوئے رنگے ہاتھوں گرفتار کیا ہے۔

واضح رہے کہ ایس ڈی او کی رہائش گاہ پر شکایت کنندہ دو لاکھ روپے نقد لے کر پہنچے تھے، جبکہ سارم علی نے 16 اپریل کو پٹنہ میں ویجیلنس ٹیم کو اپنی شکایت درج کرائی تھی۔

یاد رہے کہ پورا معاملہ فروری 2018 کا بتایا جارہا ہے جہاں کسی زمین پر سے دفعہ 144 ہٹانے کے عوض پانچ لاکھ روپے کا مطالبہ کیا گیا تھا۔

ایس ڈی او سورج کمار سنہا کو جمعرات کے دن شام کے وقت ان کے سرکاری رہائش گاہ سے رشوت کی رقم کے ساتھ گرفتار کیا گیا۔

جے ڈی یو رہنما نے بتایا کہ وزیرگنج میں ایک زمین کے تنازع کو حل کرانے کے لیے ایس ڈی او نے پانچ لاکھ کا مطالبہ کیا تھا، رشوت لے کر جیسے ہی سارم علی ایس ڈی او کی رہائش گاہ پر پہنچے، گرفتار کرنے کے فراق میں کھڑی ویجیلنس ٹیم نے ایس ڈی او کو گرفتار کرلیا۔

دوسری جانب ایس ڈی او کا کہنا ہے کہ ان کو پھنسایا جارہا ہے، انہوں نے ایسا کچھ بھی نہیں کیا ہے۔