بدایوں کے ایس ڈی ایم کی کورونا سے موت

اترپردیش کے بدایوں سب ڈویژنل مجسٹریٹ سہسوان کی آج بریلی کے ایک نجی ہسپتال میں علاج کے دوران موت ہوگئی ہے.

ایس ڈی ایم کشور گپتا کا علاج بریلی کے رام مورتی میموریل میڈیکل انسٹی ٹیوٹ میں ہورہا تھا۔ جہاں انہوں نے صبح پانچ بجے آخری سانس لی۔

کورونا وائرس کی وجہ سے ضلع کے کسی انتظامی افسر کی موت کا یہ پہلا واقعہ ہے۔ جس نے پورے انتظامیہ کو ہلا کر رکھ دیا۔

ایس ڈی ایم کشور گپتا کی موت پر تحصیل اسٹاف اور وکلا نے اپنے رنج وغم کا اظہار کیا ہے۔ ایس ڈی ایم کا تعلق ضلع بلیا سے تھا۔ وہ 30 جون کو ریٹائر ہونے والے تھے۔

ڈسٹرکٹ مجسٹریٹ بدایوں دیپا رنجن نے بتایا کہ کشور گپتا سہسوان تحصیل میں سب ڈویژنل آفیسر کے عہدے پر تعینات تھے۔ وہ پنچایت انتخابات کے دوران کووڈ سے متاثر ہوئے تھے۔ دیر رات ان کو سانس لینے میں تکلیف ہوئی اور ان کی موت ہوگئی۔