نابالغ لڑکی کے گینگ ریپ کے ملزم شخص کی مبینہ حراستی موت سے متعلق ایک کیس کو چندی گڑھ منتقل کیا گیا ہے۔
نابالغ لڑکی کے ساتھ اجتماعی زیادتی کامعاملہ سنہ 2017 میں پیش آیا تھا۔
چیف جسٹس رنجن گگوئی کی قیادت میں ایک بینچ نے سی بی آئی اور ملزم کی جانب سے کیس کی منتقلی پر کوئی اعتراض نہ ہونے کے بعد یہ فیصلہ سنایا ہے۔
جسٹس دیپک گپتا اور سنجیو کھنا نے مشترکہ طور پر بتایا کہ'ہم نے کیس کو چندی گڑھ منتقل کرنے کے احکامات دیے ہیں'۔
سی بی آئی نے بنچ کو بتایا تھا کہ نابالغ کے ساتھ زیادتی کے معاملے میں کانسٹیبل سمیت انسپیکٹر جنرل آف پولیس(آئی جی پی) بھی ملوث ہیں۔
قابل ذکر ہے کہ گذشتہ ماہ سپریم کورٹ نے سابق آئی جی پی ظہور حیدر زیدی کو بیل پر رہا کردیا تھا۔
زیدی سمیت 7 افراد سورج نامی شخص کے مبینہ حراستی قتل معاملے میں گرفتار کیے گئے تھے۔ جبکہ ہماچل پردیش کے کوٹھائی پولیس اسٹیشن پر ہی سورج کی موت ہو گئی تھی۔