سپریم کورٹ نے آپ حکومت سے دہلی ہائی کورٹ سے رجوع کرنے کے لیےاپیل کی کہ وہ کورونا مریضوں کے لئے 33 نجی اسپتالوں میں 80 فیصد آئی سی یو بیڈ محفوظ رکھے گی۔
جسٹس اشوک بھوشن اور جسٹس بی آر گاوائی کے تعطیلاتی بینچ نے قومی دارالحکومت میں کووڈ 19 کیسز میں اچانک اضافے کی وجہ سے دہلی حکومت کی فوری درخواست کا نوٹس لیا اور کہا کہ اس کی اپیل 27 نومبر کی بجائے جمعرات کو ہائی کورٹ کے ڈویژن بینچ کے ذریعہ سماعت کے لیے درج کی جائے۔
اس سے قبل 22 ستمبر کو ہائی کورٹ کے سنگل جج بینچ نے دہلی حکومت کے 12 ستمبر کے فیصلے پر روک لگ دی تھی جس میں کہا گیا تھا کہ 33 بڑے نجی اسپتالوں کو 80 فیصد آئی سی یو بیڈز کورونا مریضوں کے لیے مخصوص کرنے کی درخواست کرنے سے دیگر صحت والے افراد کے بنیادی حقوق کی خلاف ورزی ہوگی۔
دہلی حکومت پہلے ہی سنگل جج کے اس حکم کو ہائی کورٹ کے ڈویژن بینچ کے سامنے چیلنج کرچکی ہے جس نے اسے 27 نومبر کو سماعت کے لئے درج کیا تھا۔
واضح رہے کہ عدالت عظمیٰ 22 ستمبر کے ہائی کورٹ کے حکم کے خلاف دہلی حکومت کے ذریعہ دائر اپیل کی سماعت کررہی تھی۔