ایساخیال کیا جارہا ہے کہ فلم اسٹار منّا بھائی ایم بی بی ایس اب 10 برس کے بعد سائیکل پر سوار ہوکر غازی آباد سے انتخاب لڑیں گے۔
بالی وڈ کے معروف اداکار اور سماجوادی پارٹی کے سابق جنرل سیکریٹری سنجے دت ایک بار پھر سے سماجوادی پارٹی میں شامل ہو سکتےہیں۔
اتنا ہی نہیں بلکہ وہ عام انتخابات میں اترپردیش کے مغربی شہر غازی آباد پارلیمانی حلقے سے الیکشن بھی لڑسکتےہیں۔
واضح رہے کہ وہ سماجوادی پارٹی اور بہوجن سماج پارٹی اتحاد کے امیدوار ہوں گے۔
یاد رہے کہ سنہ 2009 میں بھی سنجے دت نے لکھنؤ سے الیکشن لڑنے کا اعلان کیا تھا، لیکن ممبئی بم دھماکوں میں قصوروار پائے جانے کے بعد سپرریم کورٹ نے ان کی امیدواری کو خارج کردیا تھا۔
خیال رہے کہ اس وقت امرسنگھ انہیں سماجوادی پارٹی میں لیکر آئے تھے۔
واضح رہے کہ سنہ 2014 میں غازی آباد سے بی جے پی کے رکن پارلیمان جنرل وی کے سنگھ نے جیت درج کی تھی اور انہوں نے کانگریس کے رہنما راج ببر کو شکست دی تھی۔
