نوئیڈا میں سماج وادی پارٹی میں شمولیت اختیار کرنے کے موقع پر ضلعی میڈیا انچارج اور ترجمان کنور بلال برنی کے دفتر میں استقبالیہ پروگرام منعقد ہوا جس میں ایس پی ضلعی صدر بیر سنگھ یادو نے خطاب کرتے ہوئے کہا کہ پیتامبر شرما اور ملک زادہ جاوید کی شمولیت سے مغربی اتر پردیش میں پارٹی مضبوط ہو گی۔
اس موقع پر پیتامبر شرما نے کہا کہ کانگریس میں کسی کی کوئی سنوائی نہیں ہے جبکہ اکھلیش یادو ایک سلجھے ہوئے رہنما ہیں جبکہ انہوں نے ریاست میں ترقی کی نئی عبارت لکھی، جس کی وجہ سے متاثر ہوکر میں نے پارٹی میں شمولیت اختیار کی اور آخری سانس تک سماج وادی میں ہی رہوں گا۔
ایس پی رہنما ملک زادہ جاوید نے کہا کہ سماج وادی ہر طبقے کی پارٹی ہے، اکھلیش یادو ایماندار رہنما ہیں، اسی وجہ سے میں نے سماج وادی پارٹی میں شمولیت اختیار کی۔ اس موقع پر ایس پی کے ضلعی ترجمان کنوار بلال برنی نے کہا 2022 اسمبلی انتخابات میں سماج وادی پارٹی کو جیت دلانے اور اکھلیش یادو کو وزیراعلیٰ کی کرسی پر بیٹھانے کے لیے ہم سب کو بوتھ سطح تک فعال ہونا ہوگا۔
ایس پی ضلعی صدر بیر سنگھ یادو ، ایس پی ضلعی ترجمان کنور بلال برنی، نوئیڈا اسمبلی حلقہ سے ایس پی کے متوقع امیدوار محمد تسلیم ، لوہیا وہنی کے سابق صدر ساحل خان ، ایس پی رہنما ممتاز عالم ، سودیش بھاٹی ، تنویر حسین ، پرویز عالم۔ ، سورج تیاگی ، کپل چودھری ، نعمت اللہ خان ، وید پرکاش جاٹوا وغیرہ موجود تھے۔
