'چوہاجان بچانے میں مصروف'

جہاز جب بھی طوفان میں پھنستاہے توسب سے پہلے چوہے بل سے نکلنے کے بعد بھاگنے لگتے ہیں یہ باتیں مغر بی بنگال کے وزیر فرہادحکیم نے کہی۔

کولکاتا کارپوریشن کے چئیرمین فرہاد حکیم نے مکل رائے کے بیٹے شبھرانسو رائے کے بی جے پی میں شامل ہونے پرطنز کرتے ہوئے کہاکہ ترنمول کانگریس کاجہازطوفان میں کھڑا ہے اورچوہے اپنی جان بچانے کی کوشش میں مصروف ہے۔

پارٹی کو بحران میں گھیرے دیکھ کر سب سے پہلے چوہےابھاگنے لگتے ہیں۔ ادھرادھراچھلنے لگتے ہیں۔ انہیں پتہ بھی نہیں ہوتا ہے کہ وہ جان بچانے کے لیے موت کے کنویں میں کودرہے ہیں۔ بی جے پی میں شامل ہونے والے ایم ایل اے اور کونسلروں کا بھی یہ حال ہے۔

انہوں نے کہاکہ پارلیمانی انتخابات کے نتائج کے بعد مغر بی بنگال میں عجیب بحران ہے۔چند مفاد پرست لوگوں کولگتا ہے کہ ماں ماٹی مانش کی پارٹی ختم ہوجائے گی۔لیکن ایسا نہیں ہے۔

فرہاد حکیم کے مطابق مغر بی بنگال میں ترنمول کانگریس کو اب بھی عوام کی حمایت حاصل ہے اور اگلے انتخابات میں پتہ چلے گاکہ عوام کی پہلی پسند والی پارٹی کون سی ہے۔