چیف جسٹس رنجن گوگوئی کی قیادت میں جسٹس ارون مشرا اور جسٹس سنجیو کھنا کی تین ججوں کی بینچ نے تعطیل کے دوران اس کیس پر سماععت کی۔
چیف جسٹس رنجن گوگوئی نے اپنے اوپر لگے جنسی ہراسانی کے الزام کو بےبنیاد بتاتے ہوئے کہا ہے کہ وہ ان الزامات کا جواب نہیں دینا چاہتے ہیں۔
انہوں نے کہا کہ عدالیہ خطرے میں ہے۔
سی جے آئی رنجن گوگوئی نے اپنے 20 سال کے کریئر کا حوالہ دیتے ہوئے کہا کہ یہ انعام ملا ہے مجھے۔ ان 20 برسوں میں میرے اکاؤنٹ میں محض 6،80،000 روپے ہیں۔ کوئی بھی میرا اکاؤنٹ دیکھ سکتا ہے۔ انہوں نے مزید کہا کہ ایک چپراسی کے پاس بھی مجھ سے زیادہ پیسے ہوں گے۔
انہوں نے اپنے بچاؤ میں کہا کہ جو لوگ مجھ پر انگلی اٹھا رہے ہیں، وہ پہلے جیل میں تھے اور اس کے پیچھے ایک شخص کا نہیں بلکہ متعدد لوگوں کا ہاتھ ہے۔
رنجن گوگوئی نے کہا کہ جس خاتون نے میرے اوپر الزام عائد کیا ہے وہ 4 دنوں تک جیل میں بند تھیں۔ خاتون نے کس شخص کو سپریم کورٹ میں نوکری دلانے کا جھانسا دیا تھا اور پیسے لیے تھے۔
