ایک سرکاری اعلامیے کے مطابق آر کے چھبر کو احمد کی جگہ بینک کا سربراہ مقرر کیا گیا ہے۔ جموں و کشمیر بینک ، جموں و کمشیر کی اولین لسٹڈ کمپنی ہے جس کے اکیاون فیصد حصص ، ریاستی حکومت کی ملکیت ہیں۔
پرویز احمد کی معیاد ملازمت اکتوبر میں مکل ہونے والی تھی۔
اعلامیے کے مطابق حکومت نے بینک کی کارگزاری سے متعلق تفویض شدہ اختیارات کا استعمال کرتے ہوئے پرویز احمد کو بینک کے بورڈ آف ڈائرکٹرز کے سربراہ کے عہدے سے برطرف کیا گیا ہے جس کی رو سے وہ بورڈ کے چیئرمین اور میجنگ ڈائرکٹر نہیں رہیں گے۔
چھبر اسوقت بینک کے دو چیف ایگزیکٹیو آفیسرز میں سے ایک ہیں۔
ریاستی گورنر ستیہ پال ملک نے چند ماہ قبل بینک میں ہوئی تقرریوں میں دھاندلیوں کا انکشاف کیا تھا حالانکہ بعد میں انہوں نے اپنے بیان کی تصحیح کی۔