'پلوامہ حملہ: حکومت عوام کو گمراہ کررہی ہے'

ریاستی وزیربرائے مملکت کے پلوامہ حملے میں پر دیے گئے بیان پرآسام کے سابق وزیراعلیٰ ترون گوگوئی نےمرکزی حکومت کی مذمت کی ہے۔

آسام کے سابق وزیراعلیٰ ترون گوگوئی نے کہاکہ وزیربرائے مملکت جی کشن ریڈ نے پلوامہ حملے پر جوجواب دیا ہے وہ اطمینان بخش نہیں ہے۔ان کے جواب پر کئی سوال اٹھتے ہیں۔

ترون گوگوئی کے مطابق حکومت کے لیے بہترہوتا کہ وہ حکومت پلوامہ کے حملے کے بارے میں پوری سچائی کوعوام کے سامنے لاتی۔

گزشتہ روز وزیربرائے مملکت نے راجیہ سبھا میں کہا تھاکہ پلوامہ حملہ اینٹلی جنیس کی ناکامی کا نتیجہ نہیں ہے۔ جموں اینڈ کمشیر گزشتہ کئی دہائیوں سے انتہاپسندی کا شکارہے۔

جی کشن ریڈی کے بیان پر ترون گوگوئی نے کہاکہ اس طرح کے بیان سے لوگ گمراہ ہو رہے ہیں۔ حکومت لوگوں کو گمراہ کرکے اپنی ناکامی پر پردہ ڈالنے کی کوشش کر رہی ہے۔