امیٹھی سے دل کا رشتہ: پرینکا

کانگریس کی نومنتخب جنرل سکریٹری پرینکا گاندی واڈرا نے کہا ہے کہ امیٹھی ان کے والد اور سابق وزیراعظم راجیوگاندھی کی کرم بھومی رہی ہے اس لئے اس علاقے سے ان کا دل کا رشتہ ہے۔

گزشتہ روز پرینکا واڈرا نے ٹویٹ کیا کہ' کچھ رشتے دل کے ہوتےہیں، آج بھائی ( راہل گاندھی) کی نامزدگی کے لئے پورا خاندان موجود تھا۔میرے والد کے لئے یہ کرم بھومی تھی ،یہ ہمارے لئے پاکیزہ مقام ہے۔

کانگریس کی مشرقی اترپردیش کی جنرل سکریٹری پرینکا نے کانگریس کے صدر راہل گاندھی کی نامزدگی کے دوران پارلیمانی حلقہ امیٹھی میں پورا دن اپنے خاندان کے ساتھ موجود تھیں۔

راہل گاندھی جب اپنے کارکنان کے ساتھ پرچہ نامزدگی داخل جارہے تھے اس دوران بھی پرینکا اپنی بیٹی اور بیٹے کے ساتھ ان کے پاس ہی کھڑی ہوکر امیٹھی کے عوام کا شکریہ ادا کررہی تھیں۔

انہوں نے اپنے ٹویٹ کےساتھ نامزدگی کے لئے نکلے قافلے کی تصویر بھی پوسٹ کی ہے۔اس کے ساتھ ہی انہوں نے ایک اور تصویر پوسٹ کی ہے جس میں وہ اپنے بچوں کے ساتھ سیلفی لے رہی ہیں۔