نیوزی لینڈ کی وزیراعظم جسینڈا آرڈن کا کہنا ہے کہ ہمارے ملک میں نفرت، تشدد اور انتہا پسندی کی کوئی جگہ نہیں، ہمیں مشترکہ طور پر دنیا ایسے ناسور کو مکمل طور پرختم کرنا ہے۔
اطلاع کے مطابق نیوزی لینڈ میں دہشت گرد حملے میں ہلاک شدہ افراد کی یاد میں دعائیہ تقریب کا انعقاد کیا گیا، جس میں متاثرین سے اظہار یکجہتی کے لیے شہریوں کی بڑی تعداد نے شریک کی۔
وزیراعظم نے تقریب سے خطاب کرتے ہوئے کہا کہ متاثرین کے درد کو الفاظ میں بیان نہیں کیا جاسکتا، اس لیے تشدد اور نفرت انگیزی کا مل کر خاتمہ کرنا ہوگا، اور دہشت گردی کو شکست دینی ہے۔
واضح رہے نیوزی لینڈ کے علاقے کرائسٹ چرچ میں سفید فام شخص نے دو مساجد پر اس وقت فائرنگ کی تھی کہ جب وہاں نماز جمعہ کی ادائیگی کے لیے مسلمانوں کا اجتماع شروع ہونا تھا۔
فائرنگ کے واقعے میں 50 افراد، جبکہ متعدد نمازی شدید زخمی ہوئے، اتنا ہی نہیں بلکہ ملزم نے اپنے گھناؤنے عمل کی ویڈیو سوشل میڈیا پر براہ راست نشر کی تھی جو ویڈیو17منٹ تک مسلسل انٹرنیٹ پر دکھائی گئی تھی۔
امریکہ کی داخلی سلامتی کمیٹی نے نیوزی لینڈ میں مسجد پر دہشت گردانہ حملے کو براہ راست نشر کرنے اور ویڈیوز سماجی ویب سائٹز پر اپ لوڈ کیے جانے پر سوشل میڈیا کے سربراہوں سے وضاحت طلب کرلی تھی۔
