مودی کی جیٹلی سے ملاقات

وزیراعظم نریندر مودی نے بیمار چل رہے رخصت پذیر وزیر خزانہ ارون جیٹلی سے آج رات ملاقات کرکے ان کی عیادت کی۔

جیٹلی نے آج ہی وزیراعظم مودی کو خط لکھ کر اپنی خراب صحت کے سبب انہیں نئی کابینہ میں شامل نہیں کرنے کی درخواست کی تھی۔

مودی ان سے ملاقات کرنے کے لیے جیٹلی کی رہائش گاہ پر گئے اور ان کی صحت کے بارے میں معلوم کیا۔ذرائع کے مطابق وزیراعظم نے ارون جیٹلی سے کابینہ میں شامل نہیں ہونے کے اپنے فیصلے پر غور کرنے کے لیے کہا۔

مودی جمعرات کو شام سات بجے راشٹرپتی بھون میں مسلسل دوسری مرتبہ وزیراعظم کے طورپر حلف لیں گے۔ ان کے ساتھ کچھ دیگر وزرا بھی حلف لیں گے۔

جیٹلی گزشتہ کچھ وقت سے بیمار چل رہے ہیں اورانہوں نے گزشتہ فروری میں پچھلی حکومت کا عبوری بجٹ بھی پیش نہیں کیا تھا۔