اس میٹنگ میں "ون کنٹری ون الیکشن" کے موضوع پر تبادلہ خیال کیا جائے گا۔
پارلیمانی امور کی وزارت نے تمام سیاسی پارٹیوں کے سربراہان کو ایک دعوت نامہ بھیجا ہے جس میں انہیں ون کنٹری ون الیکشن سمیت تقریبا چار دیگر موضوعات پر تبادلہ خیال کے لیے مدعو کیا گیا ہے۔
ای ٹی وی بھارت کو دستیاب دعوت نامے کی ایک کاپی میں مرکزی وزیر برائے پارلیمانی امور پرہلاد جوشی نے لکھا ہے کہ کہ 19 جون کو 3 بجے پارلیمنٹ کی لائبریری بلڈنگ میں ایک اہم اجلاس ہونا ہے۔ جس میں ملک کا مستقبل طے کرنے کے لیے اہم موضوعات پر تبادلہ خیال کیا جائے گا۔
پارلیمنٹ کی کارگزاری کو بہتر کرنا، ون کنٹری ون الیکشن، ملک کے 75 ویں یوم آزادی کے موقع پر نئے بھارت کی تشکیل، مہاتما گاندھی کے 150 ویں یوم ولادت پر مختلف تقریبات اور ایسپیریشنل اصلاع کی ترقی کے علاوہ قومی مفاد کے موضوعات پر تبادلہ خیال کیا جاناہے۔