قومی دارالحکومت دہلی میں پٹرول اور ڈیزل کی قیمت میں آج چھ پیسے کی گراوٹ درج کی گئی ہے۔
ملک کی سب سے بڑی تیل مارکٹنگ کمپنی 'انڈین آئل کارپوریشن' سے موصول اطلاع کے مطابق، قومی دارالحکومت میں آج پٹرول چھ پیسے سستا ہوا ہے۔
قیمتوں میں گراوٹ کے بعد پٹرول 71.80روپے فی لیٹر فروخت ہوا، جبکہ ڈیزل بھی چھ پیسے کی کمی کے بعد 66.63 روپے فی لیٹر پر فروخ ہوا۔
بنگال کے دارالحکومت کولکاتہ، مہاراشٹر کے صنعتی شہر ممبئی اور تمل ناڈو کے دارالحکومت چنئی میں بھی پٹرول چھ پیسے سستا ہوکر تقریباً 73.86روپے، 77.41 روپے اور 74.53 روپے فی لیٹر فروخت ہوا۔
ڈیزل کولکاتہ اور چنئی میں چھ پیسے کی کمی کے ساتھ تقریباً 68.39 روپے اور 69.82 روپے فی لیٹر رہ گیا، جبکہ چنئی میں اس کی قیمت سات پیسے گھٹ کر 70.43روپے فی لیٹر پر آگئی۔
واضح رہے کہ تیل مارکیٹنگ کمپنیاں روزانہ ہی پٹرول ڈیزل کی قیمتوں کا جائزہ لیتی ہیں، اور روزانہ صبح چھ بجے سے نئی شرح نافذ ہوتی ہیں۔
خیال رہے کہ قیمتیں طے کرتے وقت بین الاقوامی بازار میں پٹرول ڈیزل کی قیمت اور ڈالر کے مقابلے میں روپے کی زر مبادلہ کی شرح کو توجہ میں رکھا جاتا ہے۔
TAGGED:
پٹرول ڈیزل سستا