صحافیوں کو ملازمت سے برخواست کرنے کے خلاف عرضی

ایسا لگتا ہے کہ ملک میں پھیلی مہلک وبا کورونا وائرس اب صحافیوں کی ملازمت کو اپنا نشانہ بنائے گی، شاید اسی لیے صحافیوں کو ملازمت سے برخواست کرنے کے خلاف عدالت عظمیٰ میں ایک عرضی داخل کی گئی ہے۔

قومی دارالحکومت دہلی میں ملک بھر میں لاک ڈاؤن کے بہانے صحافیوں کو زبردستی چھٹی پر بھیجنے، تنخواہ کاٹنے اور نوکری سے نکالے جانے کے مبینہ واقعات کے خلاف جمعرات کو سپریم کورٹ میں ایک عرضی داخل کی گئی۔

صحافیوں کی چھٹنی کے خلاف سپریم کورٹ میں عرضی

تین تنظیموں نیشنل الائنس آف جرنلسٹس، دہلی یونین آف جرنلسٹس اور برہن ممبئی یونین آف جرنلسٹس نے عدالت میں مفاد عامہ کی عرضی دائر کرکے اس معاملے میں مداخلت کرنے کی درخواست کی ہے۔

مشترکہ طور پر دائر اس عرضی میں میڈیا تنظیموں نے کہا ہے کہ ملک بھر میں لاک ڈاؤن کے بہانے پرنٹ اور الیکٹرانک میڈیا کو زبردستی چھٹی پر بھیجنے، تنخواہ کاٹنے اور نوکری سے نکالے جانے کا فیصلہ غیر مناسب اور غیر قانونی ہے۔