بھوپال کے صحافی خان عاشو نے بھوپال پارلیمانی حلقے سے سے سادھوی پرگیہ سنگھ کے منتخب ہونے پر تعجب کا اظہار کیا۔
ای ٹی وی بھارت سے بات چیت کے دوران خان عاشو نے کہا کہ بھوپال کو وزیراعظم مودی سے امید ہے، نہ کہ سادھوی پرگیہ سنگھ ٹھاکر سے۔
انہوں نے کہا کہ بھوپال کے مسلمانوں کو سادھوی پرگیہ سنگھ کے سامنے اپنے مسائل کو اٹھانے میں پریشانی کا سامنا کرنا ہوگا۔
وہیں خان عاشو نے وزیراعظم کے پارلیمانی ہال میں حالیہ خطاب پر اطمئنان کا اظہار کیا۔
بھوپال کے سینئر صحافی جاوید خاں نے بتایا کہ وہ سادھوی پرگیہ سنگھ ٹھاکر کو رہنما نہیں سمجھتے ہیں۔
انہوں نے کہا سادھوی پرگیہ سنگھ کے بیانات سے بھوپال کی گنگا جمنی تہذیب پر کوئی اثر نہیں پڑے گا،کیونکہ جو مہاتما گاندھی کے قاتل کی حمایت کرتا ہووہ میری نظر میں لیڈر نہیں۔
انہوں نے کہا کہ وزیراعظم نریندر مودی کے بیانات میں کافی تبدیلی آ چکی ہے، انتخابات سے قبل ان کے بیانات کچھ اور تھے، لیکن اب ان کے سر میں تبدیلی آ چکی ہے۔