'غریب ہیں کام نہیں کریں گے تو کھائیں گے کیا'

2019 پارلیمانی انتخابات کے بعد جگتدل اور بھاٹ پاڑہ میں سیاسی پارٹیوں کے حامیوں کے درمیان تصادم کا جوسلسلہ شروع ہواوہ اب بھی جاری ہے۔

جگتدل اور بھاٹ پاڑہ میں اب تو حال یہ ہے کہ لوگوں کی نیند یں بم اور گولیوں کی آوازسے کھل رہی ہیں ۔عام اورغریب عوام دہشت کے سائے میں زندگی گزارنے پرمجبورہیں۔

روازنہ دہشت کے سائے میں زندگی گزارنےوالے مزدوروں کوبڑی دشواریوں کا سامنا کرنا پڑرہا ہے۔ لوگ اپنے کاموں پر جانہیں پا رہے ہیں۔ لوگوں کے کام نہیں ہونے کی وجہ سے تنگی میں مبتلا ہو گیے ہیں۔

بھاٹ پاڑہ جوٹ مل کے مزدور اقبال کا کہنا ہے کہ یہاں کے حالات بہت خراب ہیں۔ علاقے میں کب کس وقت بم بازی اور فائرنگ ہو جائے اس پر کچھ کہا نہیں جا سکتا ہے۔

انہوں نے کہاکہ کام نہیں ہوپارہاہے۔ اگر کام نہیں ہوگا کہ توکھائیں گے کیا۔ حکومت اورپولیس انتظامیہ تماشائی بنی ہو ئی ہے۔ فساد روکنے کے لیے کوئی کوشش نہیں جارہی ہے۔

مقامی لوگوں کی شکایت ہے کہ کانکی ناڑہ، بھاٹ پارا اور جگتدل کے علاقے میں مسلسل فائرنگ اور حملے ہورہے ہیں اور پولس و مقامی انتظامیہ حالات کو کنٹرول کرنے میں ناکام ہے۔عام آدمی گزشتہ 32دنوں سے پریشان ہے۔
پولس نے فائرنگ میں دو افراد کی موت سے انکار کرتے ہوئے کہا ہے کہ فضا میں فائرنگ کی جارہی تھی۔تشدد میں 10سے 12پولس اہلکارزخمی ہوگئے ہیں۔پولس کی کار میں بھی آگ لگادیا گیا ہے۔